燦記路邊雞海鮮飯店 (已結業)

是晚去叫雞，
不過無食雞。

一個人在九龍城流浪，
星期六通常間間爆，
食飯無咩好選擇，
心諗去燦記路邊雞應該易搵位一點，
結果都要等咗一陣。

去到路邊雞飯店，
雞可以唔食，
燉湯就一定要飲。
是晚的西洋菜燉鴨腎只售$28，
材料豐富，湯都唔錯。

涼瓜牛肉勁好鑊氣，
涼瓜夠苦，牛肉無落梳打乸，
食味自然好唔同。
火腩生蠔煲超邪惡，
上檯時煲邊好似鐵板餐一樣，
起哂泡，咋咋聲。
生蠔一煲六隻，食落好鮮甜，
火腩相當入味只係略肥～
非常滿意的一餐。