逸之燒 (已結業)

今日入到元朗搵食，見呢間不評價不錯既日式居酒屋小店，想食下好耐無食既燒飯團。果然menu 有燒飯團，同各式既日式串燒鍋物等等，十分多樣。當然點左想食既燒飯團，去親居酒屋都會點， 面頭燒的焦脆，加上燒汁既咸甜味，入面軟糯。燒原隻魷魚筒，都係常叫之一，魚身幾厚肉， 一咬就開，都有搽上燒汁，好惹味。汁燒兔治雞肉捧，係個人喜好，唔會難食的。呢個係廚師推介既黑椒豬頸肉串，燒得脆邊，肥瘦適中，咬落油香感足。甜蝦刺身都係廚師推介， 新鮮甜美，擺盤都用心。再叫左個安格斯牛小排壽喜燒鍋， 牛肉有雪花紋，店員提醒熄火以免過熟。 佢既壽司刺身類都同樣高質，呢個蔥蔥吞拿魚蓉手卷都十分足料，新鮮，咬落十分滿足。清酒煮蜆，大隻厚肉，數量都多，酒氣淡香。整體食物水準不錯。是可得閒就幫親的親民小店。