ChirChir Fusion Chicken Factory (已結業)

之前情人節係旺角食左呢間chirchir雞，女神炸雞好好味😋2個人食得好滯。可能因為個陣時係情人節啦個男經理會幫情侶影貼紙相同埋送左張面膜比我，超級好呀。之後呢次係尖沙咀既用餐體驗我同朋友都覺得冇咁好。大多數係食韓燒，食炸雞呢邊好少人，或者因為咁炸雞呢邊好少侍應，而韓燒好多侍應。嗌野食都幾唔容易下，好彩d炸雞同沙律都冇好遲黎。不過食食下我地2個食唔晒盤大碟既沙律，想搵人拎個外賣盒都唔知點搵，全場冇咩客人同侍應，有一個女侍應既，但係佢只係行去好似係朋友個到係咁傾計，甚至有坐低。我地有嘗試舉手示意既，但佢太掛著同佢地傾啦完全冇睇到冇留意到，搞到我地好尷尬都唔知嗌唔嗌佢好。而且冇咩人行過可以幫到我地，最後搞到我係要行過隔離搵返幫我地落單個男侍應話要個外賣盒。