華輝餐廳 (已結業)

成日都會黎呢度食野, 因為佢地係24小時營業, 夜媽媽肚餓都會黎呢度醫肚, 通常都係食鐵板蒜蓉 or 洋蔥豬扒居多, 因為佢地個蒜蓉汁同洋蔥汁都做得幾好, 而豬扒又好淋, 好入味, 正!但自從上年棗兒媽話呢度d雞批正, 叫我試下, 從此, 雞批先至係我華輝no.1.雞批好多料, 批內既白汁同個批皮又好夾, 每次食都覺得好正, 從未試過令我失望.熱食當然仲正啦! 試過有一晚買兩個外賣第二日返公司食, 請左一個同事食, 同事都話好正, 叫我再買!一般夜晚8, 9點左右就會賣晒架啦, 所以好多時返到去都無得買, 試過有一次真係好想食, 放工時打定電話叫佢留比我, 佢地好好人都肯留比我, 但就不斷叫我一定要去攞, 當然我留得就一定會要啦, 咁鬼好食, 成日都想食得到!我本身唔係好"好"蘋果批, 但呢度既蘋果批都試過 (因為買晒雞批) 味道都ok既, 個皮同樣好食, 而餡料亦多, 酸酸甜甜, 味道唔錯, 只係我唔食提子乾, 而佢地d蘋果批內有好多提子乾, 我杯茶始終都係雞批!笑臉係比雞批既!