華香雞 (已結業)

華香雞呢個名聽得多，但就未食過，呢日一家人就去拜訪下佢，試吓佢啲華香雞係咪真係咁好食。華香雞係工廠大廈一樓，地點唔難搵，想到去都有好多台食客食緊，見到佢哋多數都會叫華香雞。一場黎到當然要試吓，一碟例牌份量唔算好多，雞偏瘦，小肥膏，但係味道係好好味，因為佢除咗有雞味，仲有好香好強勁嘅煙熏味，而且雞肉都好呀，我覺得以雞來講，佢真係算係香港數一數二好味嘅。另外我哋都叫咗其他餸，好似有避風塘大蝦，呢碟嘅份量好大，都有10隻八隻，而且隻隻蝦都係大嘅，食完都覺得好飽，而且佢啲避風塘炒得好入味，蝦又有炸過，所以好惹味。仲有整咗個豪仔蒸蛋，其實味道真係唔錯，但可惜有幾隻蠔仔有少少沙，咁就扣左少少分，但總結呢個餐都係幾抵食又唔錯嘅一餐。