翠河餐廳 (已結業)

今次想講嘅係翠河餐廳嘅炒飯同炒麵，首先第一樣係肉絲炒麵，個炒麵啲汁唔夠，本身啲麵煎到好脆，唔夠汁好難入口。然後啲銀牙炒得唔夠熟，食落去好似生生地。肉絲發現有啲肥豬肉 ，感覺好似唔係太健康。但係二樣係福建炒飯，福建炒飯啲飯炒得唔夠乾身。不過炒飯啲餸都幾多，見到有蝦，有冬菇，有雞肉，有瓜等等。炒飯啲汁比炒麵啲汁多好多，如果炒麵啲汁多番啲就好啦。兩樣嘢都食過之後，發覺個醬汁好似係用咗雞汁來煮。因為個餐牌有個logo係家樂牌，所以有咁嘅推測。其實啲味道就一般，雞汁其實咪又係味精，所以下次都唔會再食呢兩樣野啦。