鳳鳴居

營業中

休息中

難得入黎上水，特登搵定有咩好食，鎖定左呢間米線，黎到同想像中一樣人頭湧湧，排左一陣先入座。醉香雞湯麵 ($48)二話不說叫左招牌米線，但估唔到有朝一日我係會嫌d野食太足料。 其實平時比較少食酒香類既野，最多食上海野會叫醉雞，所以湯底一入口我嫌佢太醉喇，直頭好似將醉雞汁直接做湯底咁，平時唔飲酒既我表示太濃。 但要讚d雞件真係好新鮮，似乎每個人都肯定會分到脾位，嫩滑有雞味，叫埋辣椒豉油好正。 可惜我真係叫錯左個唔岩口味既湯底，但以呢個水平我會再黎多次，叫其他款既雞湯麵。蘿蔔清湯腩麵 ($49)呢個清湯底反而好岩我口味，清淡得黎帶點豬骨湯既濃郁，所以其實我係搶左呢碗麵黎食。  牛腩大大塊好足料，分到既位唔算好靚但都腍滑，蘿蔔清甜冇渣。瑞士雞翼好入味，春卷新鮮炸起唔油膩，點埋喼汁好開胃，好滿足既一餐。