BnR (已結業)

今日打風留係荃灣食晏，入咗去間新餐廳，開頭以為係cafe，原來係食湯麵同雞飯。湯底有魚湯、藥饍雞湯、同埋其他特色湯我自己就叫咗藥饍雞湯淮山麵，估唔到啲雞有料到，超滑嫩。配嗰條油炸鬼索晒啲湯。藥饍雞湯都好足料，好濃烈嘅當歸味道，飲完個口都膠膠地。淮山麵爽滑，唔鍾意可以食返米線河粉或者白飯都得。小食炸墨魚卷都足料，外脆內實淨。朋友碗冬陰功湯略差一點，似辣番茄湯多啲，但雞肉一樣黃淨嫩滑。下次都係試魚湯好啲。