孖寶去骨海南雞 (又新街)

營業中

休息中

叫左個二人餐，有半隻去骨海南雞，再加個狀元燻蹄，生菜，無味精湯兩碗，油飯兩碗，再額外叫個炸蝦餅。啲野食好快上齊，但其實覺得食物質素沒有同食評所講嘅相約。海南雞半隻，份量係足嘅，但啲雞真係無雞味，又鞋。燻蹄份量都夠，但無咩味。雞同燻蹄個底都有芽菜墊底，但又係無味。生菜呢就翠綠嘅，但可惜發現有舊泥。而油飯呢就好咸，落左黃薑粉煲，但一啲雞味都無，得個咸字，係死咸。但碗湯真係無味精幾甜。蝦餅就不過不失。上菜速度好快，翻枱次數好多，但質素真係有待改善。食海南雞無雞味又鞋真係唔掂。只欣賞碗湯同埋價錢真係平。