喜鍋 海鮮‧火鍋‧小廚 (已結業)

疫情反覆, 冇得一大班人食飯, 但係又好想食雞煲喜鍋海鮮•火鍋•小廚非常親民, 推出咗午市二人雞煲套餐套餐包含涼拌前菜、重慶麻辣雞煲(半隻)、主食(讚岐烏冬/出前一丁/珍珠米飯)、汽水同甜品想打埋邊爐嘅朋友仲可以以優惠價加配其他火鍋配菜<涼拌冰菜>前菜係涼拌冰菜, 清爽嘅冰菜配搭麻醬, 酸酸地好開胃<重慶麻辣雞煲(半隻)>雖然重慶麻辣雞煲裏面只有半隻雞, 但份量一啲都唔少, 食落啖啖肉嫩滑嘅雞肉配搭麻麻辣辣嘅重慶麻辣醬, 味道濃郁惹味食完再加入熱湯, 就可以打埋邊爐啦<日本芝士竹輪>食嘅時候要小心熱, 咬落去嘅時候芝士噴晒出嚟<自家脆響鈴>好大一件, 配搭雞煲湯底好索汁<日本黑豚肉>肥瘦適中, 爽口嘅豬肉片<出前一丁>唔知點解比起一般喺外面買到嘅大舊, 配搭雞煲湯底超正<雪梨菊花茶>食雞煲套餐可以十八蚊升級做支裝涼茶雪梨菊花茶菊花味突出, 滋潤清熱<雪米糍>最後仲有雪米糍做甜品添