斗滾 (銀座38) (已搬遷) 新店位置

天氣開始轉涼緊係同一大班打邊爐🍲今次朋友介紹呢間位於📍尖沙咀斗滾 好評如潮，未食已經期待，試完覺得係冇伏，絕對可以介紹俾其他人，唔失禮。第一步：雞煲任食🐔我哋食左兩三轉，每次仲要成個煲換，唔洗驚手殘煲雞燶咗再加料都係有燶味。雞肉鮮嫩多汁，麻辣小辣香料調味層次豐富。第二步：海鮮拼盤🦐呢個海鮮拼盤一上台超吸精，唔打卡對唔住自己。荷葉做底蒸出嚟嘅海鮮好有風味，海鮮種類多，中間既烏冬索晒啲鮮味🤤🤤第三步：飲湯🥣如果你揀老火湯湯底可以飲左湯先，老火湯超正，好入味，成隻烏雞，同屋企啲老火湯有得比，女仔飲多啲就岩夠晒補，打完邊爐唔驚喉嚨痛。第四步：打邊爐🍲Like 社交平台加留言就送任食牛肉我有朋友唔食牛都有送豬。火鍋櫃啲料都係任食，野飲任飲除酒精飲品。食得太飽唔記得問佢攞糖水，如果你哋食過好食話我知。總結：人均三百幾超抵食，缺點係收現金，我哋好難先夾到錢埋單。同埋啲凳唔係好舒服，員工服務態度好，唔會好似平時啲任食火鍋員工十叫九唔應，上菜速度快。人均💰32810分滿分價錢：8/10味道：8/10環境：7/10 #hkfoodie #hkigers #hkig #hkblogger#chansfood