一品雞煲火鍋

營業中

休息中

一直都好鐘意食雞煲，都試過唔少餐廳。但係尋尋覓覓最後都係回到最初，始終都係覺得最多分店最常見既一品係最好食。其實我係為左食雞先食雞煲，雞加入好多配菜例如莞茜洋蔥辣椒等等炒過，D香味出哂黎，麻辣咸香，超級惹味。一家人叫一隻都有d唔夠食，始終好多頭頭尾尾腳呀頸呀無人要。家中兩老就覺得咸左少少，但我同家姐重口味開，就覺得好正。當然食完雞一定要加水打邊爐。仲叫左脆鯇魚，粉腸，菇，牛柏葉，唐萵。除左粉腸太多食到膩左，同埋d菇超級索油之外，其他都幾正。間中就會想食雞煲，質素幾穩定想食既時候都會再黎。