回到味來 (已結業)

雖然而家天氣咁熱，但都無阻我食雞煲同火鍋嘅念頭。今日我又去咗旺角一間餐廳回到味來是佢哋嘅雞煲同火鍋。回到味來提供半自助餐，按人頭收費，客人可選雞煲或卜卜蜆，食完再玩湯底火鍋。呢間餐廳仲有另外一個特色，就係有串燒任食，全消嘅種類都好多，由肉類、海鮮、丸類、蔬菜，乜都有，仲有台式飲品任飲，一定食得飽。我哋選咗雞煲，因為店員話係佢哋嘅招牌菜。你揀咗BB辣，味道唔會太辣，剛剛好。佢哋嘅小辣大約等於譚仔的中辣。雞煲每塊雞都好多肉，而且都算滑，醬汁亦都夠濃味，幾好食，食完都飽咗一半。跟住我地點左少少串燒，全部都熱辣辣，海鮮就更加好味，加咗蒜蓉之後味道更上一層樓。我會推介海鮮類的串燒，全部都無沙，食得放心。食完串燒就食火鍋，我哋揀咗黃金南瓜海鮮湯底，湯底比較清。每台會送上一碟本地切片牛頸脊，牛頸脊未到10分好，亦都夠林。其他火鍋配料就喺出面任選，食幾多攞幾多。配料嘅種類好豐富，丸類、牛豬羊肉、蔬菜、內臟、麵類，應有盡有。我推介豬紅和韭菜餃，豬紅十分滑，韭菜餃亦都好好味。每人埋單都係$200左右，抵食啦！