燒串煲 (已結業)

今日嚟到燒串煲 店舖裝飾充滿日本風味,而且店舖有塊推薦介紹牌,牌上面仲畫左隻蜘蛛俠 好可愛啊哈哈我連同友人一齊點左個二人套餐$468,兩個人食除番開都只係二百幾 而且份量又多 相對下其實好化算,而且呢個二人套餐 其實for三個人再嗌多一兩款小食其實都好夠.我地揀左招牌雞煲,足足半隻雞 又好重料 雞煲湯底夠濃郁惹味 我地兩個清晒成個煲 實在太好味了.我地就比較喜歡食海鮮 所以揀左燒元貝同埋勝子,元貝唔係得個殼大連粒肉都係大大隻,好滿足 而勝子加埋調味一齊燒到出嚟好香,元貝同勝子面上都有粉絲 粉絲唔會話太乾身 有足夠既湯汁滲透粉絲,食到想追加啊!