緣聚鮮鍋 (已結業)

又去咗大鴻輝打邊爐， 一入到地下，就見到兩條長長嘅人龍， 好彩今次我去呢間喺3樓， 用扶手電梯就可以去到， 唔使嘥時間排隊等𨋢，朋友食過呢間嘅雞煲話好正， 今日特登嚟就係為咗幫襯佢個雞煲，揀咗小辣， 同朋友一坐低，就一個負責q r code落order，一個負責出去睇下有啲咩飲品，同埋熟食、甜品、餐前小食……先講非酒精飲品，有好多選擇，唔同種類嘅汽水，或者檸檬茶，利賓納或者無糖茶都有， 最值得一讚嘅係呢排天氣凍， 仲有一個熱櫃放野飲。我同朋友冇揀到啤酒任飲， 不過都見到雪櫃裏面，好多唔同款式，唔同種類嘅支裝啤酒任揀， 如果鍾意飲啤酒嘅，嚟呢度任飲樽裝啤酒應該好開心。跟住仲有啲熟食同埋餐前小食任揀，試過幾款，味道都唔錯。甜品有啫喱、布甸、豆腐花同雪糕，雪糕有5隻味道揀。講下個重頭戲雞煲先， 好大煲好多肉， 好香好足料， 啖啖肉好惹味，而且啲雞肉亦都好嫩滑。我哋食完個雞煲之後，侍應就幫我哋加湯變打邊爐，我哋即刻試呢個美國特級封門柳， 好有肉味， 而且呢個雞煲湯底滾兩滾， 就算唔點調味料都好食。仲有試過海蝦、沙白、蠔肉同極上黑豚肉，幾好食，海蝦夠新鮮，鮮甜，沙白又新鮮無沙。而且佢仲會送一客點