新南苑私房菜火鍋鷄煲 (華僑商業中心) (已搬遷) 新店位置

第一次嚟食辣雞煲+海鮮打邊爐！一上到黎，飄來陣陣雞煲嘅香味，好鬼死香，個肚皮開始咕咕聲叫！一坐低，夥計好好招呼咁俾咗兩碟雞腳！（原來要另外俾錢，唔知係咪可以唔要）等左一陣，雞煲好快就上咗嚟加埋呢個油炸鬼超級好味!（雞煲可以無限續食）食完雞煲跟住就嚟咗一個超大嘅海鮮拼盤，有大大隻嘅開邊龍蝦，龍蝦肉大大舊，鮮甜好味，有新鮮嘅魚片，有筷子咁長嘅聖子，有大大粒嘅帶子，有隻不知名既蚌，好鮮甜，仲有兩碟新鮮嘅手切牛頸脊，食落好有牛味。一眼望去，都好豐富好多野食！（呢個海鮮拼盤係無得額外添加，須另外加錢添加的，但一個人的食量係完全足夠飽到攬住個肚）另外仲有火鍋配料同蔬菜類可以叫無限添食，款式都多種類，梗有一款啱你心水！差d唔記得講呢度既飲品係任飲既，最後埋單，仲送多個小小甜既奶凍，食完個人無咁熱，好舒服！