影片
更多
2017-10-17
593 瀏覽
如果有人問我邊一間餐廳既可以食到好味嘅雞煲，又可以食到 好食嘅火鍋放題，我必定會推介呢間新南苑私房菜火鍋!今日收工四人行嚟到呢一間餐廳， 點選咗呢個每位258嘅火鍋套餐! 雖然餐牌睇落平平無奇，食之前亦沒有抱太大期望，所以都係平常心態上試呢間餐廳嘅火鍋， 不過竟然有驚喜!時間尚早，人唔算太多同其他餐廳差唔多，首先都會以雞煲作為前菜， 一般都係會食曬煲入面嘅滑雞先會倒湯打邊爐， 但呢度就反轉咗呢種觀念。首先值得一讚嘅係呢度嘅雞非常鮮嫩， 職員仲會細心咁幫我哋處理好雞煲入面嘅雞， 心急嘅我經常想快啲打開啲雞呢食，但卻一次又一次被職員阻止! 職員細心咁幫我哋整好雞煲，務求以最佳嘅狀態畀我哋去食，真係好貼心。雞煲非常入味，我哋點嘅微辣啲雞啱啱好， 正當我哋四人以光速嘅速度完成雞煲嘅時候， 竟然得知一個非常好嘅消息， 原來雞煲嘅雞係無限refill，早知就唔使爭得咁辛苦啦！職員亦同時送上四隻甜蝦刺身畀我哋一人一隻， 蝦尺寸非常大而且亦好新鮮!去到正式打邊爐 我哋已經被雞煲食到半包， 而我哋點嘅係冬瓜花甲湯底， 湯底非常足料。而重頭戲終於送上，係一盤生猛海鮮拼盤， 有扇貝，象拔蚌，聖子，鮑魚，大
如果有人問我邊一間餐廳既可以食到好味嘅雞煲，又可以食到 好食嘅火鍋放題，我必定會推介呢間新南苑私房菜火鍋!
今日收工四人行嚟到呢一間餐廳， 點選咗呢個每位258嘅火鍋套餐! 雖然餐牌睇落平平無奇，食之前亦沒有抱太大期望，所以都係平常心態上試呢間餐廳嘅火鍋， 不過竟然有驚喜!
時間尚早，人唔算太多
秘製雞煲
19 瀏覽
0 讚好
0 留言
同其他餐廳差唔多，首先都會以雞煲作為前菜， 一般都係會食曬煲入面嘅滑雞先會倒湯打邊爐， 但呢度就反轉咗呢種觀念。
首先值得一讚嘅係呢度嘅雞非常鮮嫩， 職員仲會細心咁幫我哋處理好雞煲入面嘅雞， 心急嘅我經常想快啲打開啲雞呢食，但卻一次又一次被職員阻止! 職員細心咁幫我哋整好雞煲，務求以最佳嘅狀態畀我哋去食，真係好貼心。
雞煲非常入味，我哋點嘅微辣啲雞啱啱好， 正當我哋四人以光速嘅速度完成雞煲嘅時候， 竟然得知一個非常好嘅消息， 原來雞煲嘅雞係無限refill，早知就唔使爭得咁辛苦啦！
甜蝦刺身
14 瀏覽
0 讚好
0 留言
職員亦同時送上四隻甜蝦刺身畀我哋一人一隻， 蝦尺寸非常大而且亦好新鮮!
去到正式打邊爐 我哋已經被雞煲食到半包， 而我哋點嘅係冬瓜花甲湯底， 湯底非常足料。
而重頭戲終於送上，係一盤生猛海鮮拼盤， 有扇貝，象拔蚌，聖子，鮑魚，大蝦及魚片， 而且全部都非常巨型足料， 送上嚟嘅一刻真係非常驚喜， 而且海鮮屬於非常新鮮， 台職員亦細心指示每樣海鮮需要滾幾耐先食得， 所以每款海鮮都令我哋食得非常滿足
新鮮靚鮑魚
13 瀏覽
0 讚好
0 留言
鮑魚熟咗之後依然保持新鮮及依然巨大， 可見鮑魚係有幾大隻!
而牛肉亦非常新鮮， 可惜只有碟點只能淺嘗， 但係靚嘅牛肉貴精不貴多
而其他火鍋配料都係任點， 都係一啲比較大眾化又好味嘅食材， 不過我哋已經非常飽， 因為之前食嘅豐富海鮮同雞煲已經足夠填飽我哋個胃
牛乳果凍
2 瀏覽
0 讚好
0 留言
最後餐廳亦從上佢哋嘅愛心甜品，係牛乳奶凍， 香濃既牛奶味非常有水準!
總括今餐屬於價廉物美，而走之前亦發現佢哋有一個套餐係以海鮮蒸鍋為主， 必需要預先訂座而且數量有限， 所以我哋已經決定下次再嚟試下佢嘅海鮮蒸鍋
張貼
