吞POT 雞煲火鍋.住家菜 (譽發廣場) (已結業)

上次食完雞煲翅意猶未盡，今個星期又想再嚟吞Pot🤞🏻今次決定試埋個雞煲比較下😝雞煲上枱不得了，好香好惹味🤩啲雞件真係一啲都唔吝嗇，份量比足👍🏻每舊都大大舊🤣仲要非常入味又滑，真係好有驚喜。食到一半左右，我哋就加湯打邊爐。見到隔籬枱食桂花蚌食得好滋味，我哋又叫一份😁果然爽脆彈牙。跟住仲叫咗西班牙頂級黑毛豬，肉質鮮嫩多汁，又唔會太肥，我中意。最後食埋廣島蠔，咁就圓滿啦🫶🏻總結，價錢唔貴，份量全部都好大碟。兩個人基本上叫少少嘢已經飽🤣所以下次一定要叫多啲朋友過嚟試多幾樣！