相馬日式火鍋 (已結業)

一早訂咗位星期日晚，同朋友打完波就去咗呢度食晚餐。點咗佢個無限時火鍋放題5部曲。第一：帶子茶碗蒸第二：惹味雞煲第三：養生花膠雞湯第四：蒸海鮮第五：任食火鍋第一部曲茶碗蒸，餡料有帶子、蟹柳、菇，上枱已經唔熱，只係微暖，蛋味欠奉，整體稍遜。第二部曲雞煲，材料有雞、豆卜、菇，煮6分鐘食得，雞煲醬幾香濃，鹹中帶微甜，雞肉算滑，豆卜同菇撈埋個醬之後幾好味，份量都算多，唔夠仲可以再加。第三部曲花膠雞湯，湯入面有4件花膠，但湯頭偏鹹。呢個湯之後會用嚟蒸海鮮同打邊爐。第四部曲蒸海鮮，海鮮包括蟶子、魚塊、鮑魚、蜆、青口、蝦、扇貝。整體海鮮一般，不夠鮮味，主要靠蒜蓉味。第五部曲任食火鍋，用QR code落單，包括牛肉、豚肉、雞腿肉、海鮮、日式炸物、日式燒物、單骨雞翼，另外自助區蔬菜、雪糕、雪條、罐裝飲品。肉類質素OK，海鮮夠鮮甜，炸物/燒物普通，雪糕自己𢳂、雪糕就有Melona同馬來西亞雪條、飲品係汽水同道地茶飲。一個價錢過幾種口癮幾特別嘅，無限時可以慢慢食，呢餐食到好飽！