影片
更多
2023-05-16
220 瀏覽
想食雞煲又想打邊爐，今次試咗呢間餐廳，一次過滿足晒(´∇`*)佢哋主打和風海鮮雞煲同火鍋放題，有三款套餐，第一次食就試吓中間價位。.澳洲和牛套餐 $298/位.🥘 和風海鮮雞煲首先會上雞煲，醬汁濃郁惹味，雞肉結實夠入味，海鮮有鮑魚、鮮蝦、蜆，全部都幾新鮮，配菜就有豆卜、金菇、洋蔥等，吸收晒醬汁精華。.🐮 牛肉食完雞煲就加湯打邊爐，呢款套餐可以任食5種牛肉：澳洲和牛、牛小排、牛板腱、牛肩胛、牛白肉。和牛油花均勻肉質嫩滑，牛小排肉質柔軟牛味濃，而牛白肉就放題比較少有，入口油脂感較重。.🥬 自助區自助區有多款火鍋配料：蔬菜、菇類、丸類、墨魚滑、餃子雲吞、牛舌、鮮魚片、魷魚牛柏葉、麵食等等。.🍨 甜品甜品有番薯糖水、雪糕同泡芙，雪糕質素唔錯，芒果雪糕食到粒粒果肉，Oreo雪糕就勁多曲奇碎。.🧃飲品飲品款式都幾多，除咗罐裝啤酒汽水，同多款台灣韓國飲品之外，仲有自家製冰糖紅棗燉雪耳、雞骨草，啱晒打邊爐夠滋潤。.總括而言：餐廳地方唔算好大，但座位之間都算闊落。食物整體質素唔錯，仲可以食足三個鐘！見到依家做緊優惠，星期日至四$1088就包四位澳洲和牛套餐同免加一，啱晒朋友聚會，慢慢傾慢慢食 *\(^o
.
澳洲和牛套餐 $298/位
.
🥘 和風海鮮雞煲
首先會上雞煲，醬汁濃郁惹味，雞肉結實夠入味，海鮮有鮑魚、鮮蝦、蜆，全部都幾新鮮，配菜就有豆卜、金菇、洋蔥等，吸收晒醬汁精華。
.
🐮 牛肉食完雞煲就加湯打邊爐，呢款套餐可以任食5種牛肉：澳洲和牛、牛小排、牛板腱、牛肩胛、牛白肉。和牛油花均勻肉質嫩滑，牛小排肉質柔軟牛味濃，而牛白肉就放題比較少有，入口油脂感較重。
.
🥬 自助區
自助區有多款火鍋配料：蔬菜、菇類、丸類、墨魚滑、餃子雲吞、牛舌、鮮魚片、魷魚牛柏葉、麵食等等。
.
🍨 甜品
甜品有番薯糖水、雪糕同泡芙，雪糕質素唔錯，芒果雪糕食到粒粒果肉，Oreo雪糕就勁多曲奇碎。
.
🧃飲品
飲品款式都幾多，除咗罐裝啤酒汽水，同多款台灣韓國飲品之外，仲有自家製冰糖紅棗燉雪耳、雞骨草，啱晒打邊爐夠滋潤。
.
總括而言：餐廳地方唔算好大，但座位之間都算闊落。食物整體質素唔錯，仲可以食足三個鐘！見到依家做緊優惠，星期日至四$1088就包四位澳洲和牛套餐同免加一，啱晒朋友聚會，慢慢傾慢慢食 *\(^o^)/*
張貼
