影片
更多
2024-08-05
957 瀏覽
之前食過捌捌陸，覺得佢哋嘅雞煲打邊爐唔錯，最近見到佢哋同民豐餅家Crossover，食完雞煲打完邊爐仲可以食到而家非常出名嘅開心果糯米糍，即刻約埋朋友去食。🟡 雞煲我哋叫咗麻辣雞煲，不過呢就因為有朋友唔係好食得辣所以叫咗小辣，鍾意食辣嘅朋友不妨叫勁啲。雞嘅份量好多，而且都好入味。佢哋仲有麻油雞同三杯雞煲選擇架！🔴 湯底佢哋有六款湯底，包括特濃沙嗲湯底、藥膳湯底、香濃蕃茄湯底、麻辣湯底、壽喜燒同地獄豚骨。我哋今次揀咗沙嗲湯底，真係好濃嘅沙嗲味🤣🤣🤣🔵肉類豬牛羊雞都有，例如美國肥牛、牛板腱、牛三角小排、五香雞件、豬梅花片、五花腩、羊卷肉等等，啱晒食肉獸！🟣熟食覺得雞煲同打邊爐有少少悶都可以食啲熟食，佢哋嘅滷肉飯、紅燒牛肉麵，賣相都好出色，而且size適中，可以試到唔同款。仲有其他小食，例如涼拌小黃瓜、雙色QQ地瓜球、酥炸花枝丸等等，好似去咗台灣咁呀🤣差啲唔記得講埋，佢哋啲麻辣鴨血、鹽酥雞同埋滷水嘢幾惹味都可以叫返碟㗎！🟡丸類我就鍾意食佢地既胡椒豬肚丸同流心芝士丸！ 🟢自助吧有山根、韓國年糕、響鈴、炸魚皮，麵類就有出前一丁、王子麵、稻庭烏冬，鍾意澱粉質嘅一定唔少得。⚫️甜品+飲品有黑糖糍粑、鮮
🟡 雞煲
我哋叫咗麻辣雞煲，不過呢就因為有朋友唔係好食得辣所以叫咗小辣，鍾意食辣嘅朋友不妨叫勁啲。雞嘅份量好多，而且都好入味。佢哋仲有麻油雞同三杯雞煲選擇架！
🔴 湯底
佢哋有六款湯底，包括特濃沙嗲湯底、藥膳湯底、香濃蕃茄湯底、麻辣湯底、壽喜燒同地獄豚骨。我哋今次揀咗沙嗲湯底，真係好濃嘅沙嗲味🤣🤣🤣
🔵肉類
豬牛羊雞都有，例如美國肥牛、牛板腱、牛三角小排、五香雞件、豬梅花片、五花腩、羊卷肉等等，啱晒食肉獸！
🟣熟食
覺得雞煲同打邊爐有少少悶都可以食啲熟食，佢哋嘅滷肉飯、紅燒牛肉麵，賣相都好出色，而且size適中，可以試到唔同款。仲有其他小食，例如涼拌小黃瓜、雙色QQ地瓜球、酥炸花枝丸等等，好似去咗台灣咁呀🤣
差啲唔記得講埋，佢哋啲麻辣鴨血、鹽酥雞同埋滷水嘢幾惹味都可以叫返碟㗎！
🟡丸類
我就鍾意食佢地既胡椒豬肚丸同流心芝士丸！
🟢自助吧
有山根、韓國年糕、響鈴、炸魚皮，麵類就有出前一丁、王子麵、稻庭烏冬，鍾意澱粉質嘅一定唔少得。
⚫️甜品+飲品
有黑糖糍粑、鮮奶燉桃膠、仙草凍仲可以配唔同嘢；飲品方面可以出去出邊嘅自助吧攞，大部份大路牌子嘅都可以喺度搵到，仲可以加$38升級無限任台啤同埋手調台式飲品❣️
⚪️蔬菜 +海鮮
佢哋呢度嘢有提供好多款唔同嘅蔬菜，有娃娃菜、唐生菜等等，我哋都叫咗幾隻大大嘅帆立貝，都幾新鮮唔腥😍
✨ 民豐糯米糍
當然唔少得今餐最重要嘅Crossover：民豐開心果糯米糍，入邊滿滿嘅開心果餡，唔怪之咁多人排隊都為咗要食佢，不過我比較鍾意佢地既芝麻味糯米糍，好香芝麻味，好正😍
張貼
