台北車站 (已結業)

原來新都地一期開咗間新餐廳⋯⋯（可能冇堂食太耐，所以前兩個月好少留意啲餐廳），所以開返堂食之後真係要去食個雞煲慶祝下！呢間名叫「台北車站」嘅餐廳其實同台灣菜冇乜關係，都係茶記感覺為主！台北車站呢個雞煲超惹味，辣度分為微辣、小、中、大辣，我就揀咗微辣！雞煲加入了不少紫洋葱和蒜頭，再有大樣半隻雞的雞件，雞肉食落剛熟所以肉質很嫩滑，而且雞煲超級入味，辣得非常過癮！另外，再叫咗萵筍炒豚肉，好有家的味道，清清地用嚟配雞煲就好適合喇！草莓珍珠奶茶、椰香珍珠奶茶好欣賞佢兩杯珍珠奶茶上面係鋪咗啲燕麥片，好飲！（不過如果可以少啲冰嘅話就仲好，哈哈！）