鋒哥廚房

營業中

休息中

數數手指原來自己已經好幾年冇食過雞煲，知道呢度最出名嘅就係食海鮮、雞煲同打邊爐，仲要係任食嘅添，一家人就即興去食飯。餐廳午市係茶餐廳，到咗五點左右晚市先會有任食邊爐，生、熟食、雪糕同飲品都係以自助形式進行。而座位大部份都係色彩繽紛既卡位，最後我哋三個人被安排到卡位坐。🐓🥘先食雞煲，份量都幾足，我哋嗌咗走辣，入邊有蓮藕、蔥同雞件，非常惹味。🦞🦀當日嘅熟食係炒蟹，有少少蒜香嘅味道，蟹肉鮮甜，味道幾好。而每位都會有開邊半隻龍蝦，可以即食，蟹鉗好大隻，啖啖肉好滿足。🍲🍢食完其實已經飽咗一半，我哋轉咗個湯底，有幾款揀，我記得有芫荽皮蛋湯、沙嗲湯等，而我自己就嗌咗🐽黑蒜豬骨湯底，飲咗啖好濃味，又好香蒜味，我幾鍾意。而打邊爐配料方面，牛肉同豬肉可以同職員落單，都係任食嘅。而海鮮方面就自助形式自己出去夾，我夾咗貴妃蚌、🐚帶子、🦐蝦，同埋蜆。食完都已經幾飽，但因為我鍾意🐟炸魚皮同響鈴，所以都夾咗唔少，其實出邊仲有牛柏葉、🦑水魷同各式各類嘅丸。最後記得要食埋甜品呀，因為有好多雪糕揀呀，當中仲有唔少大牌子添，敏仔都唔執輸，食咗兩條雪條😆😆食評總結：性價比超高的任食雞煲打邊爐，仲有咁多時令海鮮去邊搵喎，所以我