阿來客棧雞煲火鍋 (已結業)

最近又凍返，又係時候去食雞煲打邊爐，今日同朋友去左呢間阿來客栈，聽朋友講佢地個雞煲超好食。我地叫左馳名重慶辣雞煲一隻中辣，隻雞好大份，而且一上枱已經可以食，加埋個醬汁好惹味，呢個雞煲可以話係係我食過既雞煲排行榜top3之內。食完雞煲之後打邊爐，我地叫左半份阿來牛肉卷，半份豬頸肉，半份豆苗，半份墨魚滑同半份鮮蝦。呢到最貼心就係可以半份半份咁嗌，兩個人都可以叫多啲唔同既野試下，唔怕食唔哂。阿來牛肉卷入邊包住啲芫荽，對於芫荽控既我嚟講，超級驚喜，好好食。豆苗係日本豆苗，好甜好香。墨魚滑同鮮蝦都好新鮮，呢餐食得超級飽，而且好味又好滿足。