影片
更多
2019-06-21
100 瀏覽
之前食過呢幢野嘅打邊爐覺得幾好，原本想再食多次嘅，同一棟野見到呢間雞煲，朋友突然轉軚想食雞煲，見佢試業中，兩個鐘任食先$218，一於試試佢。可能早到同埋平日，我地唔使等位就有得入啦～枱面有張攻略嘅嘢可以俾我地啲新手跟住做。我哋揀咗小辣嘅雞煲。等雞煲嘅期間可以去攞嘢飲先，嘢飲種類雖然唔算太多但係都足夠，仲有部分啤酒任飲添，佢仲有自家嘅水果茶不過就要加錢啦 ($15)。雞煲到～好大一個煲，侍應好貼心，每隔幾分鐘就會過嚟幫我地炒一次，炒左三四次之後食得啦！全程我哋係唔使郁手嘅，服務一流呀！第一次雞嘅份量唔算太多，不過好多肉，個汁調校得好惹味，小小甜小小辣咁，又唔會好鹹。重點係佢炒到收乾晒水，真係啫啫雞煲黎，正呀！係我哋食到停唔到口嘅時候，有個侍應推咗一架車仔過嚟，上邊有一個好大型嘅貝殼裝住好多蜆。原來每2-4個客人可以撈一次蜆，撈到幾多就有得食幾多，仲要每星期撈得最多嗰前三個客人有獎㗎！最多嗰個有張機票添啊！！坊間抽獎就見得多，仲要係每一個月定半年或者一年一次，呢度直接送出機票同埋獎金，仲要每星期一次，真係好正！中獎嘅機會其實係超高～靠住朋友嘅雙手，我地撈左52隻！！本身以為好多，原來都三甲
可能早到同埋平日，我地唔使等位就有得入啦～枱面有張攻略嘅嘢可以俾我地啲新手跟住做。
我哋揀咗小辣嘅雞煲。等雞煲嘅期間可以去攞嘢飲先，嘢飲種類雖然唔算太多但係都足夠，仲有部分啤酒任飲添，佢仲有自家嘅水果茶不過就要加錢啦 ($15)。
雞煲到～好大一個煲，侍應好貼心，每隔幾分鐘就會過嚟幫我地炒一次，炒左三四次之後食得啦！全程我哋係唔使郁手嘅，服務一流呀！第一次雞嘅份量唔算太多，不過好多肉，個汁調校得好惹味，小小甜小小辣咁，又唔會好鹹。重點係佢炒到收乾晒水，真係啫啫雞煲黎，正呀！
係我哋食到停唔到口嘅時候，有個侍應推咗一架車仔過嚟，上邊有一個好大型嘅貝殼裝住好多蜆。原來每2-4個客人可以撈一次蜆，撈到幾多就有得食幾多，仲要每星期撈得最多嗰前三個客人有獎㗎！最多嗰個有張機票添啊！！坊間抽獎就見得多，仲要係每一個月定半年或者一年一次，呢度直接送出機票同埋獎金，仲要每星期一次，真係好正！中獎嘅機會其實係超高～
靠住朋友嘅雙手，我地撈左52隻！！本身以為好多，原來都三甲不入。唯有下次再試過啦⋯不過變相就有52粒顯可以食啦，係52粒啊！！
我哋一撈完蜆侍應就即刻幫我地炒埋啦。另外，每兩個人可以揀一款海鮮（蝦、蟹、蟶子同鮑魚），我哋揀咗鮑魚。侍應都放埋落去炒，仲加埋黃酒，即刻將鮮味升級！
蜆好鮮，完全冇沙，鮑魚都好新鮮，爽口彈牙又入味。
我哋覺得唔夠喉，於是加多左次雞，因為呢度嘅雞係任食㗎！出邊如果要任食雞煲嘅話起碼$300以上，呢度先$218真心抵。第二次加嘅雞份量仲多過第一次添呀，我哋食到舔舔脷～
食到咁上下侍應又來啦，今次係整牛肉烏冬，啲烏冬熟晒啲雞煲汁，仲要乾身掛晒啲汁係上面。
之後我哋就轉戰火鍋，侍應會先將食剩嘅雞撈晒出嚟，俾我哋慢慢食埋，之後就加湯啦。我哋嗌咗番茄湯。打邊爐嘅食材全部都係出面嘅雪櫃度自己攞嘅，有好多唔同款嘅食材，全部任食～
肥牛好肥美～
啲菜洗得好乾淨同新鮮～
金針菇好少有洗得咁乾淨，佢呢度係連個尾都切都好入㗎，抵讚！
連冬菇都雕到咁靚～
個番茄湯底有濃濃既蕃茄味，但唔係講緊茄膏嘅味，應該係真材實料煲嘅。
埋單之後仲有個甜品送，係雪燕黎，都幾足料。
最後我哋兩個係食到飽到摸肚行嘅程度，呢間雞煲真係冇得頂，任食雞之餘，又有得玩撈蜆，打邊爐嘅材料處理又唔馬虎，仲有機會贏大獎添啊。等我趁佢試業期間再嚟多次先，贏咗張機票就咩都抵返晒啦～
張貼
