金啫の鍋 (已結業)

好耐冇食雞煲，今晚就試新野，去左呢間金啫之鍋，餐廳位於譽發廣場，冇特別留意，直至見到店員製服同餐紙上面寫住，我先知原來佢地跟倫哥同集團。面積唔算好大，有一般梳化位同大枱，新開張就唔算好多人，但遲D最好都係訂枱比較穩陣新張優惠價係188蚊位，食完雞煲，可以加湯底打邊爐，配料任食，飲料好似汽水、個別啤酒都係任飲，價錢唔貴新開仲有遊戲玩，「金啫摸蜆神之手」，每2-4位可以派一個代表參加；用雙手撈蜆，撈幾多就屬於客人。而且有個排行榜，店員會數番撈左幾多隻，頭三名會有禮品。(可惜我地三甲不入，哈哈)醬料店員快幫我地安排左雞煲，第一次來，點左小辣，如果食得辣嘅，我建議中辣以上。雞煲上枱未可以即食，店員話要每兩分鐘炒一次，炒四次就可以食得其實都可以放心，因為佢地好好禮貌，時不時都會過來幫手。雞煲炒起之後好吃香好惹味，裡面有好多芫茜。雞件唔算好好肉地，但就夠哂入味，小辣唔會好辣，仲有少少孜然香。食到咁上下，店員幫我地加埋是日海鮮，我地揀左蟶子，聽講係新張期送(?)有幾款可以揀嘅，仲有鮑魚、蟹之類。朋友負責玩撈蜆遊戲，足足撈左60幾隻，都好嘅，又有得玩，又有得食，夠大方食配料之前，店員仲幫我地炒埋D牛肉