阿爺八鮮鍋 (已結業)

阿爺八鮮鍋地址：旺角登打士街43H號登打士廣場3樓好耐無打過邊爐啦，秋風起，呢d天氣最適合打邊爐🤗朋友介紹依間餐廳話最近新裝修，而且係油麻地附近，地理位置非常方便大家聚聚！一去到間餐廳覺得好新，好乾淨，環境非常寬敞，張張枱都好大，坐落好舒服！亦都唔擔心叫太多食物而無位擺！😄再黎就係Menu，睇得出係有心設計過，首先係好清晰比人睇到唔同時段既收費價錢，再黎就係分類晒唔同食物，容易比客人揀。而且個Menu係特登過咗膠，客人每次叫完野食就可以清潔返，唔會造成紙張浪費👍👍 佢個任食套餐價錢係包咗一個海鮮盤，呢個海鮮盤係超級正，包左左好多野，有虎蝦，龍蝦，鮑魚，大元貝，蟹，每樣食材都食得出係好新鮮，一d都無馬虎既感覺，非常好味呀😋😋睇得出餐廳對海鮮挑選食材既認真！打邊爐前有個雞煲包埋，可以過足口癮👍👍然後就係一系列既打邊爐食物，脆肉鯇唔多骨，又有咬口，好鍾意食😋特別一讚係安格斯牛肉，超好味👍😍😍口感好豐富，好易入口，會令人想再食有兩款自家製既蟹子蝦滑同埋黑松露墨魚滑都係必點之物😋😋👍總括黎講呢間餐廳既食材係非常新鮮，好高質，值得再去👍👍