影片
更多
2020-11-16
149 瀏覽
話說前排去咗一間火鍋雞煲專門店，有得同時食火鍋、雞煲同埋韓燒，以前真係聽都冇聽過火鍋雞煲同埋韓兆可以一齊食😆係最近先至見識到，前排食完之後係返唔到轉頭嘅。食完果次之後，話咁快又想再試，不過今次係是另外一間😁地理位置同上次嗰間一樣方便，今次呢間係通菜街，同一條街真係不乏食店。內裏環境寬敞，少至兩個人去，多至八個人去，同樣坐得舒適👍🏼飲品嘅種類都幾多喎，唔係得嗰幾款，有汽水、果汁、茶飲等等。店員會先問客人雞煲要點樣嘅辣度🔥話有BB辣、中辣同埋大辣，唔知點解由BB辣一跳就跳到去中辣😂但我聽到人哋問有冇小辣佢話係有嘅，但之前我哋都叫咗BB辣，吾緊要啦。話到明BB辣又真係唔算好辣，真系得好少，啱曬唔食得辣但又想試吓嘅人🙊雞肉嘅部份都幾多，唔會話好多骨，醬汁同雞肉mix埋一齊好入味。呢度最方便嘅係火鍋同埋燒肉配料任君選擇，同埋唔似出面嗰啲放題店咁係用放題紙剔，而系出面任拎，自己鍾意拎幾多都得😁肉類嘅選擇好多啊。不過有啲冇寫係咩嚟，單憑肉眼睇有啲拎咗咩都唔知🙈當係樣樣都試啲都OK嘅。令一邊嘅以火鍋配料為主，我都冇拎晒黎試，每樣拎啲其實都夠飽😌青口同埋帶子好吸引！海鮮都有得任拎就真係划算🤤感覺上韓式燒
內裏環境寬敞，少至兩個人去，多至八個人去，同樣坐得舒適👍🏼
飲品嘅種類都幾多喎，唔係得嗰幾款，有汽水、果汁、茶飲等等。
店員會先問客人雞煲要點樣嘅辣度🔥話有BB辣、中辣同埋大辣，唔知點解由BB辣一跳就跳到去中辣😂但我聽到人哋問有冇小辣佢話係有嘅，但之前我哋都叫咗BB辣，吾緊要啦。話到明BB辣又真係唔算好辣，真系得好少，啱曬唔食得辣但又想試吓嘅人🙊雞肉嘅部份都幾多，唔會話好多骨，醬汁同雞肉mix埋一齊好入味。
呢度最方便嘅係火鍋同埋燒肉配料任君選擇，同埋唔似出面嗰啲放題店咁係用放題紙剔，而系出面任拎，自己鍾意拎幾多都得😁肉類嘅選擇好多啊。不過有啲冇寫係咩嚟，單憑肉眼睇有啲拎咗咩都唔知🙈當係樣樣都試啲都OK嘅。
令一邊嘅以火鍋配料為主，我都冇拎晒黎試，每樣拎啲其實都夠飽😌青口同埋帶子好吸引！海鮮都有得任拎就真係划算🤤
感覺上韓式燒肉影出嚟會靚啲，所以就影韓式燒肉為主🙊拎咗魷魚鬚、韓式雞翼、牛柳粒、五花肉、黑豚肉等等。
🦑魷魚鬚我覺得係最正嘅，一條條咁都幾長😳擺喺燒肉爐上面都幾快整好，燒完之後個樣勁似小食店買嗰啲炸魷魚鬚～食落去好爽口👍🏼
🐮牛柳粒都算大粒，最正嘅係餐枱側邊有黑胡椒同埋玫瑰海鹽，整熟之後落埋玫瑰海鹽都幾有西餐feel🤣
🐔韓式雞翼睇落去係鮮橙色咁，話明韓式即係食落去係辣辣地，我個人覺得都接受到嘅，其實真係唔會好辣，反而係有啲惹味。
🐷黑豚肉真係比我想像中好，我係打邊爐嗰陣食嘅，拎嗰陣已經見到啲肉係粉粉哋色，整熟之後質感有少少軟稔，幾易咬。
有2️⃣樣野幾抵讚
1. 韓式燒肉嘅路上面有濾紙，擺食物上去，唔驚啲人會彈到自己😊
2. 食雞煲之前店員都好細心咁幫我哋跟進雞肉熟咗未
👍🏼
張貼
