豐鍋雞煲 (荔枝角道) (已結業)

滋補螺片花膠雞煲：先飲左個花膠湯，飲左佢個鮮甜味道然後先再加埋隻雞落去滾，再有另一種風味，之後再食埋花膠張住個口正到呢…..頂級雪花肥牛：厚薄適中大大片，食得出係高質牛，入口好嫩牛味好濃有水準👍🏻👍🏻👍🏻即炸爆芝紫菜響鈴：要推介下先得，即炸熱辣辣我忍唔住就咁食左一條，芝士係咁溶出黎好味到不得了，我再用一條滾下佢食都仲係好正。手工四寶丸：有蝦丸、墨魚丸、黑墨丸、鯪魚丸，全部都係人手打，咬落口好彈牙，粒粒真材實料。餃餃陣：有鮮蝦雲吞、魚皮餃、韭菜餃、麻辣雲吞，要講講個麻辣雲吞堅係辣架，鍾意食辣嘅朋友一定要點😂飲品都好有特色藍蝶雪梨🍐同水蜜桃梳打兩杯都係甜甜地打邊爐飲啱晒。