鼎豐雞煲泰國菜 (已結業)

最近又凍返，同男朋友揀左黎呢到食雞煲，貪佢夠近，地鐵出黎一分鐘就到！BOOK左枱，即刻入得。呢到除左打邊爐仲有泰國菜食。我地一心黎食雞煲打邊爐。鼎豐招牌雞煲辣到自己選擇，我就揀咗BB辣。煲入面擺滿香菜，撈埋陣麻辣味勁芬香撲鼻，BB辣嘅程度可以接受，個汁幾惹味，食落仲有少少🌿香菜味。如果雞件斬成大舊啲會好啲。安格斯牛小排，兩個人食所以揀咗份細嘅，但又真係好似細份左D😂，脂肪唔多，叫份大既都唔會好heavy。即炸響鈴即炸，出黎都聞到佢岩岩出鑊既油味😆，好香脆！呢度有泰國野食覺得點都要試吓😂，叫咗個芒果糯米飯做結尾，糯米飯好香椰香味，芒果都好甜！食到8點全場full哂，好熱鬧。