座銀

營業中

休息中

👍🏼抵食指數：⭐️⭐️⭐️😋好食程度：⭐️⭐️⭐️⭐️今次嚟試下日本過江龍嘅人氣雞白湯拉麵店，餐廳位處於中環半山，舖頭內裝修以和式為主，有張Bar 枱可以睇住師傅悉心炮製拉麵。當日放工去，就有位師傅滿口h笑容企係門口招客，入到去嘅時候，侍應們都好有禮貌為我安排坐位，服務態度有別於其他拉麵店，真係好似返咗日本咁。Meun 上無咩菜式可以選擇，但嚟到緊係食雞白湯拉麵啦～ #雞白湯拉麵湯底非常濃郁，白白嘅雞湯，上面有一層泡沫，相信雞湯係有發打過，濃濃雞味撲鼻，非常吸引！放係麵上嘅炸牛蒡絲，一開始以為係炸蒜絲嚟，咬落去極脆口，配合埋雞白湯真係一流。麵質軟硬適中，唔係算太硬太軟，啱啱好，而且算爽口，而雞肉唔算好厚身，口感反而就一般，但味道配合雞湯就唔錯。整體上，最精粹係碗雞白湯上，配搭所有嘢，真係上等之作！