雞翼山 (裕民坊YM²)

營業中

休息中

約咗朋友喺觀塘睇戲， 不過夜晚就唔得閒一齊食飯， 而家重新裝修嘅裕民坊， 真係好方便。 好在朋友話畀我聽， 正門口落去一層就係小巴站， 直接返到屋企過海唔使轉車。 真係驚世大發現😚😚😚，原來觀塘都開咗雞翼山， 立即買雞翼套餐返屋企加餸。Order 一個12隻雞翼套餐, 見到有新出的丼飯， 又心思思想試下。 雞翼山size都算幾大隻， 每隻味都係獨立製作， 而且使用不同的盒分開， 一定唔會 溝亂啲味。文青風玫瑰雞翼向來都很喜歡玫瑰的食物， 這個是使用了玫瑰 糖漿， 甜滋滋的玫瑰感覺， 還有幾片玫瑰花瓣， 女生絕對喜愛。港式咸檸七雞翼超強烈的 咸檸味道， 用嚟送飯一流， 除咗鹹味之餘，味道是有層次的， 有著淡淡的檸檬味。泰式冬陰酸辣雞翼冬陰味道突出， 但是不會太過辣， 香茅和青檸的味道很芳香， 辣辣地又不會過鹹， 三款裏面 味道最濃就是這一款。不要儀態一人餐：溫泉蛋洋蔥雞翼丼＋甜芥辣 雞軟骨＋唐揚炸蝦，日式珍珠米軟綿綿的， 配上熱辣辣的洋蔥雞翼， 洋蔥吸收了醬汁的味道， 甜甜的很好吃。 雞軟骨和唐揚炸蝦很香口。