影片
更多
2021-10-30
76 瀏覽
我見一排冇同細佬出去食飯，就問佢有咩想食。佢話又想食雞翼，又想食放題，於是我諗咗諗，就揀咗旺角好出名嘅雞翼放題Wingman。我哋去到餐廳個陣，已經係下晝兩點，不過裏面仍然坐滿咗一半人。我同細佬揀咗窗邊一張二人枱，因為可以一邊睇街外風景，一邊靜靜欣賞店裏面嘅裝飾。抬頭一睇，天花板掛住印有「光輝歲月」幾隻字嘅霓虹燈，令人彷彿置身於70年代嘅香港。牆上面仲掛咗好多張黑膠唱片，真係充滿懷舊氣息。打開餐牌，我哋發現原來有唔少雞翼放題嘅組合可供選擇。我同細佬諗就諗，就決定揀任食10款雞翼，連同無限飲品提供嘅個嗰餐（HK$198 + 10%）等咗唔夠10分鐘，第一盤熱辣辣嘅雞翼就上枱啦。侍應為咗幫我哋更加容易辨識各款雞翼，特登好細心咁依住餐牌次序，先上頭五款雞翼，並且喺上菜嗰陣細心講解。我個人最鍾意嘅口味係「Cajun 紐奧良香粉」。一問之下，我先知道原來呢款雞翼都係唔少客人嘅心頭好。混合咗匈牙利紅椒粉、黑胡椒、辣椒粉等各種調味料而成嘅紐奧良香粉，唔單止香味濃郁，連帶雞翼嘅味道都變得好有層次。另一款超級特別嘅雞翼叫做「死神醬」。聽個名已經覺得好霸氣，點知食落更加明白點解佢有呢個名堂。呢種雞翼用咗一
我見一排冇同細佬出去食飯，就問佢有咩想食。佢話又想食雞翼，又想食放題，於是我諗咗諗，就揀咗旺角好出名嘅雞翼放題Wingman。
我哋去到餐廳個陣，已經係下晝兩點，不過裏面仍然坐滿咗一半人。
我同細佬揀咗窗邊一張二人枱，因為可以一邊睇街外風景，一邊靜靜欣賞店裏面嘅裝飾。抬頭一睇，天花板掛住印有「光輝歲月」幾隻字嘅霓虹燈，令人彷彿置身於70年代嘅香港。
牆上面仲掛咗好多張黑膠唱片，真係充滿懷舊氣息。
打開餐牌，我哋發現原來有唔少雞翼放題嘅組合可供選擇。我同細佬諗就諗，就決定揀任食10款雞翼，連同無限飲品提供嘅個嗰餐（HK$198 + 10%）
13 瀏覽
0 讚好
0 留言
等咗唔夠10分鐘，第一盤熱辣辣嘅雞翼就上枱啦。侍應為咗幫我哋更加容易辨識各款雞翼，特登好細心咁依住餐牌次序，先上頭五款雞翼，並且喺上菜嗰陣細心講解。
Cajun 紐奧良香粉
6 瀏覽
0 讚好
0 留言
我個人最鍾意嘅口味係「Cajun 紐奧良香粉」。一問之下，我先知道原來呢款雞翼都係唔少客人嘅心頭好。混合咗匈牙利紅椒粉、黑胡椒、辣椒粉等各種調味料而成嘅紐奧良香粉，唔單止香味濃郁，連帶雞翼嘅味道都變得好有層次。
死神醬
14 瀏覽
0 讚好
0 留言
另一款超級特別嘅雞翼叫做「死神醬」。聽個名已經覺得好霸氣，點知食落更加明白點解佢有呢個名堂。呢種雞翼用咗一款堪稱史上最辣嘅辣醬烹調而成。我自問都好食得辣㗎喇，但都被佢搞到狂流眼水。我強烈建議大家要將呢款雞翼放喺最後先食，因為食完呢款死神辣醬之後，好難再食到其他雞翼嘅口味。
7 瀏覽
0 讚好
0 留言
其他幾款即叫即炸嘅雞翼都做得好出色，水牛城醬、巴馬臣芝士蒜蓉醬都令我encore咗好幾轉。
凍檸檬茶
1 瀏覽
0 讚好
0 留言
我本來仲想試其他幾款甜品同埋小食，但都因為太飽要被逼放棄。最後，我飲咗兩杯微甜嘅凍檸茶，就為呢次放題作結。
呢個世界好多嘢都好奇怪，就好似我初頭嚟呢間餐廳個陣並無抱好大期望，點知好戲總在後頭。下次我哋一定要再嚟呢度品嚐其他美食，特別係餐牌右下角展示嘅「意大利芝士甜品杯」。
張貼
