麵家山下 (已搬遷) 新店位置

早半個月前黎食過，但朋友又想再食，所以今日特登嚟食。11點幾已經黎到了，但12點覺開門，唯有附近行陣再黎。開鋪無耐，所以無乜人。山下雞翼 $28雞翼好好食，雖然炸過，但食落唔會覺得油，十分香口，雞翼黎講貨錢唔算平，但值得一試。菜盛拉麵 黑蒜味 極幼直麵$72黑蒜味淡，今次叉燒比較厚身，我覺得薄身d會更好食，但捲心菜同芽菜非常非常之多，我本身個人好鍾意食芽菜，所以食得好滿足。拉麵DX 辛 $78湯底純粹得個辣字，麵底無極幼滑麵好食，麻麻地。雞蛋加分，初初以為係切半，但竟然有兩隻原隻糖心蛋，都幾邪惡。最鐘意都係人都配菜當中既荀，好好食。