可可豬海南雞專門店 (寶榮大廈) (已結業)

因為早家姐少少放工，決定行去佢公司樓下等佢放工順便買埋外賣一齊返屋企食，行到佢公司附近見到呢間海南雞專門店感覺唔錯就買嚟試下！特色椰香海南雞飯:雞肉滑嫩，油飯粒粒分明又清爽，帶有淡淡椰子香味，配菜青木瓜沙律酸酸辣辣好開胃！食療拿杯湯(茶樹菇香菇淮山湯):茶樹菇獨特香氣濃郁，味道清香，飲得出真材實料無味精，好有家的味道😋時令菜芯苗:菜苗腍甜無渣！日式胡麻醬手撕雞冷麵:雞絲肉質滑嫩，每一條麵都沾到酸甜嘅胡麻醬，配上大量爽脆生菜絲感覺好清新👍🏻金羅漢果養生茶:有金羅漢果；菊花同杞子，飲落清甜感覺好健康！滷水牛展:滷水味道鹹甜適中，牛展口感幼嫩，但可以切厚身少少，跟餐嘅份量都唔少❤️