太爺雞 (已結業)

咁啱經過，上網搵吓附近有邊間出名食雞，又咁啱大廈喺我隔離。三點去到，冇人。唔入都入咗，好彩員工又幾好禮貌。我食嘢講求原味，食白切雞多。但見太爺鷄先係signature dish, 決定give it a try。返到屋企一打開... 嘩! 如圖所見，成盒都係髀、翼、翼髀，而且飯量適中。（女仔可能食唔晒）菜唔止兩條，係一堆，但就淡口咗啲，冇咩味。蓮藕湯唔算濃，但至少足料，飲完唔怕口渴。太爺鷄即係豉油雞，皮薄脂肪少，豉油微甜。肉質鮮嫩滑溜，雞味好濃郁，冇被豉油蓋過，掂喎！燒味飯嚟講$42(+$1盒)價錢中等啦，但外賣通常得雞頭雞尾，今次有咁嘅質量真係好驚喜。有機會去觀塘嘅話一定會試埋貴妃雞！