好燒味 (已結業)

夏天啱啱過左，天氣開始凍，係時候減肥!不嬲食LUNCH都鐘意大魚大肉~叫我食齋食菜去減肥真係慘過叫我行路去印度...其實減肥就唔係得一種方法既~食住肉減肥都得!食雞胸就係其中一個好方法啦好燒味就有個為減肥或者健身人仕而設既雞胸飯入面除左雞胸之外，仲有減肥餐單經常出現既西蘭花有肉有菜，營養均衡，雞胸仲要係已經幫你走埋皮雞胸用左白切雞既煮法，唔係就咁滾水烚熟雞胸咁DRY，都叫做易入口既西蘭花就煮得夠熟，我最怕食到勁生既西蘭花!當然，雞胸呢D部位就唔會期望會好鮮嫩多汁架啦....但呢啲係做到有少少軟熟既口感，比起白烚雞胸高一班啦