芝脆雞 (已結業)

想食炸雞又想食pizza，友人提意黎芝脆雞度食，上次叫過外賣都ok好食，今日一於就黎堂食先。叫左皇牌套餐同開心套餐，三十四蚊同三十三蚊，幾平喎。跟餐可以選汽水或餐湯，上次外賣個湯麻麻地，都係要汽水穩陣，揀左有靚仔球星嘅百氏。皇牌套餐，炸雞一件，配肉醬螺絲粉，賣相求奇啲，好明顯肉醬同螺絲粉都係一早煮好，要邊樣就筆比你，但味道唔錯嘅，肉醬鹹甜適中仲帶少少香草味，螺絲粉夠咬口不過淋，唔錯。炸雞剛出爐超熱，唔油好好食。開心套餐，炸雞一件，炸薯皇，麥樂雞，同pizza一塊，大堆頭啱哂啲三心兩意嘅人，哈。炒雞同上，剛炸起熱辣辣，又脆又嫩滑。薯皇同雞塊都係冰鮮貨式沒驚喜，唔難食，同屋企自己炸一樣味。pizza雖然細細塊，但厚身同勁多芝士，咬落去芝士絲可以拉到好長，上面有菠蘿同粟米，甜甜地無咁漏，好食。唔知點解間舖有陣漂白水味，但枱依然痴垃垃，衞生程度有侍改善！