影片
更多
2020-02-16
40 瀏覽
好耐冇食雞蛋仔真係超掛住~今日忍唔住黎解下癮先!今次叫左抹茶朱古力雞蛋仔同咖啡格仔餅，配埋飲品可以減4蚊~見新出左港式奶茶就試下，另外再要杯檸檬水補充下維他命C!抹茶朱古力雞蛋仔雖然天氣好凍但新鮮整出黎都係熱辣辣脆卜卜，入面保留到軟心~抹茶味依舊濃郁仲有D朱古力粒~口感同味道一流!呢排疫情嚴重，盡量都唔用手掂食物~呢度既包裝可以就咁拎住一底直接咬唔逐粒搣出黎方便又衛生~咖啡格仔餅格仔餅好香咖啡味，餡料都係牛油砂糖花生醬，夾埋咖啡味味道好夾，餅皮又厚又唔會太硬，每啖都勁滿足!食完已經好飽!飲品方面港式奶茶做得唔錯，有茶餐廳水準夠香滑。檸檬水味道微酸，一路食一路飲可以解膩~咁既配撘唔錯!
張貼
