肯德基家鄉雞 (KFC)

營業中

休息中

師傅見好耐都冇黎呢度食野, 於是乎早幾日兩口子就黎左呢度食, 其實對呢d大型連所食店都唔會存有咩寄望, 不過知道一定食得人啦!兩個人商量左一陣, 最後叫左一桶雞餐! 一桶雞餐有九件家香雞, 三隻既辣香雞翼, 兩件粟米, 兩盒沙律, 兩盒薯蓉, 一盒磨菇飯, 一盒雞皇飯, 同埋四枝汽水, 再送多盒巴辣脆雞粒!咁多野食其實一定食唔晒, 不過冇所謂, 最多包走架啫; 老實講樣樣野都普普通通啦, 而炸雞就熱辣辣, 呢個算係最基本要求, 不過就幾多油, 可以啦; 沙律算係最唔好味, 皆因太濕; 粟米都幾甜, 但未算最靚, 皆因有"衣", 可以啦; 而巴辣脆雞粒就一啖一粒, 鬆鬆脆脆, 都幾好味, 惹人好感!總括黎講食物質素維持番呢間連所食店嘅水準, 服務態度友善親切, 環境地方反而幾窄, 坐得唔算舒服, 價錢就唔算貴, 一舊水多少少就有一個餐, 可以; 偶爾一次半次, 師傅覺得都非常過癮, 不過好肯定唔會經常去, 皆因唔健康! 而喺度食野就不能苛求太多, 免得好似雞蛋裡挑骨頭!