薩莉亞意式餐廳 (天澤商場)

營業中

休息中

唔經唔覺，呢間野都開左有一段時間，而我又一直想試但無去試，結果今日就忍唔住啦。咁我一來到都覺得幾驚奇，現場都有好多食客，好在等位都係等一陣姐。望落環境都幾開揚，唔輸蝕銀座個間。咁我一坐低二話不說就叫左個『黑椒汁美味雜雞併盤』。一來既時候真係香氣撲鼻，賣相亦都比我想像中更好。首先我就食個件脆雞啦，一咬落去真係好多肉汁，個皮亦都好掂。跟住我差D唔記得要影相，好在未食得入迷。然後我就食雞翼啦，食落去真係好香口，仲有少少辣味，我最愛啊。最後個塊咁正既雞排亦都要比我品嚐啦，一鋸開就見到一絲絲既雞肉好吸引，一咬一啖就開始上癮啦，越食越興奮，減肥甚麼的以後才唸^﹏^。埋單都係36蚊，邊度有得搵啊？