孖寶去骨海南雞 (又新街)

營業中

休息中

今日經過又新街就同朋友入咗去試呢一間海南雞嘅餐廳，我哋叫咗個二人套餐，套餐入邊包左半隻海南雞仲有小菜同埋菜，仲包埋湯同埋飲品，性價比都好高。個小菜我哋就要左魚香肉餅，肉餅煎得好香，至於個海南雞有唔同嘅醬汁可以點，啲雞都係好滑。另外再叫多咗一個小食，就係炸蝦餅，應該係新鮮炸嘅，份量有好大舊。仲有碟油菜，點都要有啲差平衡一下，咁先健康㗎嘛。飲品就叫咗凍檸茶少甜小冰同埋凍奶茶少甜小冰，正正常常啦。值得一提嘅係個湯幾好味，好似屋企煲嗰啲湯咁，有南瓜同埋雞腳係入邊。不過坐得就唔算好舒服，但係以呢個價錢來講，都預咗嘅。