喜喜冰室 (已結業)

平時嚟喜喜都會食佢個常餐，但係因為我今日個早餐都同個常餐差唔多 (分量當然係少啲啦😂)所以今次order了平時好少食嘅邪惡雞髀西炒飯！雞脾西炒飯$68🤤🤤高熱量！但忍唔住啦🙈♥️雞脾外脆內多汁！西炒飯配料多，有午餐肉，香腸，叉燒，青豆！份量頗多！茄汁味唔算太濃，味道啱啱好！上面再加少少生菜絲，食落感覺冇咁肥😂好明顯安慰自己.......如果想要多隻雞髀其實可以的😃之前有個男仔朋友唔夠食所以要多隻大概＄12，咁樣反而仲抵食喎！不過大約兩年前嘅價😂公司三文治 $58有午餐肉，火腿，蛋，生菜，蕃茄，芝士！當飯食都夠飽喔😋烘底係精髓，夠脆！因為唔係我點，所以味道不予置評，但係友人話如果生菜多啲比較好，因為呢期大家都懶係注重健康🤣🤣🤣