越大哥 (中興新街) (已結業)

好耐都冇食過越南嘢，但估唔到會係長州食🤣但係呢間越大哥既味道真係好地道好正宗，價錢又唔貴，好值得去👍🏻🍜火車頭河粉湯底係非常濃既牛肉湯，牛筋、牛丸、牛腱一樣不缺，仲有扎肉，用料非常有誠意，味道同以前去越南旅行食既差唔多⛱️🥖越式豬扒法包比香港一般既越南餐廳份量大好多，法包外脆內軟，豬扒大大件，肉汁飽滿，超正🐽🫔越南春卷炸得啱啱好，表皮非常酥脆，餡料亦都好豐富，係會想一食再食既小食😋呢間既環境都相當唔錯，裝潢有長州離島既感覺外，都有越南風情，座位相當闊落，室外都有座位，嘢食、環境、服務質素都超乎想像咁好👍🏻