興樂菜館

營業中

休息中

原來長洲嘅海鮮又平又靚又好食，價錢仲平過市區，真係好抵。下次都可以再返嚟食。有餐廳百幾蚊就有三個餸又送乜送乜，呢間係貴少少嘅$208先三個餸，但係質素就高好多。推介椒鹽魷魚，又大份又好食，炸得非常之酥脆，炸粉唔厚，剛剛好。由於已經食咗椒鹽魷魚，瀨尿蝦就食油鹽水啦。調味就麻麻哋啦，明顯食得到有味精或者係公仔麵調味粉味。但係肉質都唔錯嘅，唔梅。魚香茄子煲都不錯，送飯一流。三個餸兩個人啱啱好，叫多兩個白飯，正呀。