心粥館 (已搬遷) 新店位置

今午想找過地方靜靜地食個午餐, 見到這間心粥館咁多位, 都幾舒服。睇完餐牌, 星洲炒米連餐飲三十幾蚊, 都ok啦! 我同落單的講咗要走洋葱, 佢張電腦單都有寫明, 點知都係黎咗碟好多洋葱的星洲炒米。唔緊要, 我同店員講我已講明要走洋葱, 但都冇走。佢呆呆的企係度, 想睇要點。唔係嘛! 唔該幫我換過! 之後, 都係果個店員取來星洲炒米給我, 我正想動筷時, 發現點解中間都係有洋葱。唔係嘛! 以為夾起晒就再得, 我再叫回那店員, 我講:「唔係嘛! 夾走啲大粒洋葱就算! 」店員回應:「你唔要洋葱, 咁你食其他嘢啦!」 我講: 「我落單時已講, 再叫你換。你哋啲星洲炒米一定要落洋葱咩! 算啦! 改炸醬麵」個炸醬麵都不好吃! 十分後悔, 難得放假, 想relax吓, 卻遇到這種服務。 我心想, 不知是這間店的問題, 還是這店員的個別問題, 個客一早講明唔要洋葱, 就咁夾到部份就算走咩! 若果個客係對洋葱有敏感, 不慎吃了, 怎辦呢? 我不會再光顧這店!