影片
更多
2020-01-02
261 瀏覽
住離島嗰邊嘅我真係好少出港島區，如果唔係做嘢嘅話我諗我都唔會同老婆食到尼間活一鮮。😂入到去地方都企企理理，環境都唔錯👍🏻我都差啲以為自己同老婆去咗日本🇯🇵😂坐低之後就嗌咗幾樣嘢食，包括北海道岩蠔，海膽燒帶子，帶子海膽蟹棒卷同蒲燒鰻魚。個北海道岩蠔真係不得了，成隻手掌咁大✋🏻真係好肥美。講真一啖放落個口度係真係放唔曬😂作為一個男人都要分兩啖食先得。一咬落去個蠔度🦪嗰浸海鮮味同蠔味即刻出曬黎，仲出曬汁啊～加埋少少嘅檸檬汁仲鮮仲正。好彩老婆唔食蠔，我自己一個可以食曬兩隻😋之後就到海膽燒帶子啦，首先個賣相都已經好吸引😋個帶子燒得好靚，靚之餘仲會見到有汁圍住，唔會話燒到乾曬。食落去都keep到好多肉汁，真係好正，加埋啲海膽食仲一流。因為個海膽好鮮好甜，配搭起帶子Q彈嘅肉汁，可以話係絕配😁😆然後到帶子海膽蟹棒卷，首先尼碟嘢係十分之豐富😧🤤有帶子有海膽又有蟹棒，個帶子仲大嚿過個卷飯，都幾抵食。我一啖已經可以食到一個卷，但特別嘅係，我可以食得出佢哋嘅層次😧👍🏻唔會話放咗入口咬完就一pat嘢唔知食緊乜。帶子有帶子嘅鮮甜多汁，而且好有彈性。海膽都有海膽嘅鬆軟同入口即溶，而蟹棒就同平時一樣都係爽口鮮甜。到最
住離島嗰邊嘅我真係好少出港島區，如果唔係做嘢嘅話我諗我都唔會同老婆食到尼間活一鮮。😂
入到去地方都企企理理，環境都唔錯👍🏻我都差啲以為自己同老婆去咗日本🇯🇵😂坐低之後就嗌咗幾樣嘢食，包括北海道岩蠔，海膽燒帶子，帶子海膽蟹棒卷同蒲燒鰻魚。
個北海道岩蠔真係不得了，成隻手掌咁大✋🏻真係好肥美。講真一啖放落個口度係真係放唔曬😂作為一個男人都要分兩啖食先得。一咬落去個蠔度🦪嗰浸海鮮味同蠔味即刻出曬黎，仲出曬汁啊～加埋少少嘅檸檬汁仲鮮仲正。好彩老婆唔食蠔，我自己一個可以食曬兩隻😋
之後就到海膽燒帶子啦，首先個賣相都已經好吸引😋個帶子燒得好靚，靚之餘仲會見到有汁圍住，唔會話燒到乾曬。食落去都keep到好多肉汁，真係好正，加埋啲海膽食仲一流。因為個海膽好鮮好甜，配搭起帶子Q彈嘅肉汁，可以話係絕配😁😆
然後到帶子海膽蟹棒卷，首先尼碟嘢係十分之豐富😧🤤有帶子有海膽又有蟹棒，個帶子仲大嚿過個卷飯，都幾抵食。我一啖已經可以食到一個卷，但特別嘅係，我可以食得出佢哋嘅層次😧👍🏻唔會話放咗入口咬完就一pat嘢唔知食緊乜。帶子有帶子嘅鮮甜多汁，而且好有彈性。海膽都有海膽嘅鬆軟同入口即溶，而蟹棒就同平時一樣都係爽口鮮甜。
到最後個蒲燒鰻魚啦，平時我同老婆都好鐘意食鰻魚，唔理係邊度都好見到有鰻魚就想試，今次尼個都唔例外🤤碟嘢有兩塊鰻魚，上面都鋪滿咗好多汁同加咗啲芝麻做點綴。一啖已經不得了，可以話係外脆內軟，個肉質十分之軟熟同勁香滑，仲有少少燒出黎嘅焦脆，真係好正👍🏻👍🏻如果驚膩嘅話佢上面有啲類似嘅酸菜粒😂唔怕食濟。
總括黎講尼間嘢cp值都幾高，值得一試。
張貼
