半熟工房 (金馬倫道) (已結業)

半熟工房由寄賣開始已經有試過佢嘅質素而家開了數間分店, 實力當然有番咁上下! 瘋魔香港人嘅芝士撻, 早前如果想要被一個芝士撻起碼要等想數十分鐘或者半個小時以上才可以買到. 不過依家已經唔需要排隊了... 一來芝士撻已經在香港開得太多了, 二來香港人嘅追隨態度沒有台灣或其他地方耐, 可以話香港人總係中意一窩蜂咁去嘗試, 而呢種熱情嘅態度亦都好快冷卻...芝士蛋糕或者係芝士撻對我來講都有種誘惑, 難得今日在屋企樓上看到半熟工房開了一間流動Pop up Store, 佢嗰種難以抗拒嘅魔力令我一見到就乖乖攞出銀包🙈 一口氣買了兩盒因為流動商店關係所以沒有芝士撻, 不過半熟工房嘅芝士蛋糕質素依然係有保證！買咗兩盒返屋企同屋企人慢慢品嚐一盒五個芝士蛋糕, 雖然蛋糕唔算太過大件, 但係如果作飯後甜品的話呢個分量剛剛好👍🏻口感綿密鬆軟, 口腔內帶來陣陣芝士香, 因為蛋糕需要雪藏關係, 令到Cream cheese帶來一陣涼快口感, 炎炎夏日喺屋企嘆番一舊的確係透心涼！媽呀! 真係超香超好食😋