影片
更多
2018-10-04
718 瀏覽
谷咗成晚氣，忍唔住要寫評語。個個都話性價比高，所以決定同女朋友3年紀念日黎慶祝下。無奈返工關係，要8點半先到餐廳。地方偏僻，shuttle bus半個鐘一班。去到餐廳，冇人招呼，所以直入餐廳搵人幫手。係電話book位時，已經問咗可唔可以比個甜品，寫句Happy 3-years anniversary，得到答復可以，但係一整晚都係度期待佢幾時送上黎，到咗埋單依然冇！食物質素一般，當然我地比較遲去，但係自助餐時間係去到十點，冇理由唔fill野食啊？！見我地遲入座，刺身檔姐姐已經叫定我地9點半好拎定曬野食，生蠔檔就問需唔需要拎多幾隻，比我感覺係我會阻住佢地收工！食完既碟好耐先有人收，完全進入咗收工既狀態。10點收完野食，隨即有吸塵機入餐廳吸塵做清潔，當時還有2-3台客人未走，呢d係咩邏輯，有冇人話我知係咪我問題？！心唸中曬伏，求其食完就走，見到餐廳出面有露天海景位，埋完單出去行下，出面似係公眾地方，但有餐桌比客人飲酒，見到冇特別就返入餐廳準備走，咁岩有個staff同我地差不多時間入去餐廳，唔幫我地拉門我冇乜所謂，但係至少要讓我地行先？呢個係一個客人至上既基本吧？！完全唔知呢間野係咩野構造，求
個個都話性價比高，所以決定同女朋友3年紀念日黎慶祝下。無奈返工關係，要8點半先到餐廳。地方偏僻，shuttle bus半個鐘一班。
去到餐廳，冇人招呼，所以直入餐廳搵人幫手。係電話book位時，已經問咗可唔可以比個甜品，寫句Happy 3-years anniversary，得到答復可以，但係一整晚都係度期待佢幾時送上黎，到咗埋單依然冇！
食物質素一般，當然我地比較遲去，但係自助餐時間係去到十點，冇理由唔fill野食啊？！見我地遲入座，刺身檔姐姐已經叫定我地9點半好拎定曬野食，生蠔檔就問需唔需要拎多幾隻，比我感覺係我會阻住佢地收工！食完既碟好耐先有人收，完全進入咗收工既狀態。10點收完野食，隨即有吸塵機入餐廳吸塵做清潔，當時還有2-3台客人未走，呢d係咩邏輯，有冇人話我知係咪我問題？！
心唸中曬伏，求其食完就走，見到餐廳出面有露天海景位，埋完單出去行下，出面似係公眾地方，但有餐桌比客人飲酒，見到冇特別就返入餐廳準備走，咁岩有個staff同我地差不多時間入去餐廳，唔幫我地拉門我冇乜所謂，但係至少要讓我地行先？呢個係一個客人至上既基本吧？！完全唔知呢間野係咩野構造，求其食一間快餐店，性價比都高佢地十倍。埋單8舊水，已經75折了既價錢，完全係沒有最差，只有更差。
慶祝三週年就冇啦，結果因為呢間餐廳吵咗，其實我都係比d評語同照騙呃咗！！！
題外話/補充資料：
openrice有7折優惠，用餐前告知餐廳，而餐廳話唔需要，因為佢地一直做緊7折既優惠，姐係openrice個優惠根本用唔著。
(以上食評乃用戶個人意見 , 並不代表OpenRice之觀點。)
張貼