Victoria Restaurant

營業中

休息中

有史以來最難食嘅咸豬手。飲品無味。服務態度表現未如理想。不會再去！感覺非常失望，見到個個服務員只顧傾計，落單又唔專心。牛排落單要求3成熟，上枱變7成，另一個咸豬手皮硬、肉又靭兼無味！個杯柚子蜜原本落單要凍嘅、但最後變咗熱，後來換返杯凍嘅返嚟，但淡到好似飲水咁。重點係如果你如實反映俾服務員聽個情況，佢哋總有藉口同你講。例如，杯柚子蜜淡，同服務員講，但佢話係咁淡，唔想俾太甜啲客飲。我就話個問題唔係唔甜，而係淡到無味，完全唔係柚子蜜個味。另外個咸豬手仲離譜，個皮硬到切唔開，啲肉靭到無朋友，再問個服務員，佢話係咁硬，如果切唔到可以通知佢哋安排廚司幫你切，但同佢講啲肉好靭點食呀！頂…. 我最後無食，當然要照俾錢啦！整體來講又服務到出品都無質素。環境非常一般。我肯定唔會再去喇！相同價錢可以有更好選擇。